ಜಿ.ವಿ. ಪ್ರಕಾಶ್ ಕುಮಾರ್ಗೆ ʻಜೋʼ ಡೈರೆಕ್ಟರ್ ಆ್ಯಕ್ಷನ್ ಕಟ್
ಲಾರ್ಕ್ ಸ್ಟುಡಿಯೋಸ್, ಪ್ಯಾರಲಲ್ ಯುನಿವರ್ಸ್ ಪಿಕ್ಚರ್ಸ್ ಸಹಯೋಗದಲ್ಲಿ ಹೊಸ ಸಿನಿಮಾ
ಲಾರ್ಕ್ ಸ್ಟುಡಿಯೋಸ್, ಪ್ಯಾರಲಲ್ ಯುನಿವರ್ಸ್ ಪಿಕ್ಚರ್ಸ್ ಸಂಸ್ಥೆಗಳು ತಮ್ಮ ಹೊಸ ಚಿತ್ರವನ್ನು ಅಧಿಕೃತವಾಗಿ ಘೋಷಿಸಿವೆ. ಈ ಚಿತ್ರದಲ್ಲಿ ಜಿ.ವಿ. ಪ್ರಕಾಶ್ ಕುಮಾರ್ ನಾಯಕ ನಟನಾಗಿ ನಟಿಸಲಿದ್ದಾರೆ. ‘ಗರುಡನ್’ ಮತ್ತು ‘ಮಾಮನ್’ ಎಂಬ ಸೂಪರ್ ಹಿಟ್ ಚಿತ್ರಗಳ ನಂತರ, ಇದು ಲಾರ್ಕ್ ಸ್ಟುಡಿಯೋಸ್ ನಿರ್ಮಾಣದ ಮೂರನೇ ಚಿತ್ರವಾಗಿದೆ. ಸದ್ಯ ಚಿತ್ರದ ಪ್ರೀ-ಪ್ರೊಡಕ್ಷನ್ ಕೆಲಸಗಳು ವೇಗವಾಗಿ ನಡೆಯುತ್ತಿವೆ.
ಕಮರ್ಷಿಯಲ್ ಆಗಿ ದೊಡ್ಡ ಯಶಸ್ಸು ಕಂಡ ‘ಜೋ’ ಚಿತ್ರದ ಖ್ಯಾತಿಯ ಹರಿಹರನ್ ರಾಮ್ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಅವರ ವಿಶಿಷ್ಟ ಕಥೆ ಹೇಳುವ ಶೈಲಿಗೆ ಮಾರುಹೋದ ಜಿ.ವಿ. ಪ್ರಕಾಶ್ ಕುಮಾರ್, ಈ ಚಿತ್ರಕ್ಕೆ ನಾಯಕನಾಗುವುದರ ಜೊತೆಗೆ ಸಂಗೀತವನ್ನೂ ಸಂಯೋಜಿಸಲು ಒಪ್ಪಿಕೊಂಡಿದ್ದಾರೆ. ‘ಜೋ’ ಚಿತ್ರದ ಅಭಿನಯದ ಮೂಲಕ ಪ್ರೇಕ್ಷಕರ ಮನ ಗೆದ್ದ ಮಾಳವಿಕಾ ಮನೋಜ್, ಈ ಚಿತ್ರದಲ್ಲಿ ಜಿ.ವಿ. ಪ್ರಕಾಶ್ ಕುಮಾರ್ ಅವರಿಗೆ ಜೋಡಿಯಾಗಿ ನಟಿಸುತ್ತಿದ್ದಾರೆ.
‘ಕರ್ಣನ್’ ಮತ್ತು ‘ವಾಲೈ’ ಅಂತಹ ಚಿತ್ರಗಳಿಗೆ ಅದ್ಭುತ ಛಾಯಾಗ್ರಹಣ ಮಾಡಿರುವ ತೇಣಿ ಈಶ್ವರ್ ಈ ಚಿತ್ರಕ್ಕೆ ಕ್ಯಾಮೆರಾ ಹಿಡಿಯಲಿದ್ದಾರೆ. ಚಿತ್ರದ ಇತರ ಪ್ರಮುಖ ಕಲಾವಿದರು ಮತ್ತು ತಂತ್ರಜ್ಞರ ಆಯ್ಕೆ ಪ್ರಕ್ರಿಯೆ ನಡೆಯುತ್ತಿದ್ದು, ಶೀಘ್ರದಲ್ಲೇ ಅಧಿಕೃತವಾಗಿ ಪ್ರಕಟಿಸಲಾಗುವುದು.ಈ ಚಿತ್ರದ ಚಿತ್ರೀಕರಣವು ಜೂನ್ನಲ್ಲಿ ಪ್ರಾರಂಭವಾಗಲಿದ್ದು, ಸದ್ಯ ಚಿತ್ರಕ್ಕೆ ಬೇಕಾದ ಸ್ಥಳಗಳ ಹುಡುಕಾಟ ನಡೆಯುತ್ತಿದೆ.
